Колледжде қашықтықтан оқыту технологияларын қолдану арқылы оқу процесі "Platonus"ААЖ арқылы жүзеге асырылады. Сондай-ақ, бейнеконференция өткізу үшін оқытушылар ZOOM және Discord платформаларын пайдаланады. Колледждің білім беру сайтында сандық форматта оқу контенті орналастырылған (электрондық оқу-әдістемелік кешен, оған дәрістік материал, зертханалық-практикалық тапсырмалар, бақылау, студенттерге арналған өзіндік жұмыстар, бейне-сабақтар, сабақ-презентациялар және т.б. кіреді). Білім алушылар мен оқытушылардың барлық электрондық ресурстарға қол жеткізу мүмкіндігі қамтамасыз етілді. Бүгінгі таңда студенттер мен оқытушылар білім беру платформасын толық көлемде пайдаланады. "Platonus" ААЖ, ZOOM және Discord білім беру платформалары бойынша оқытудың барлық бөлімдері игерілді.

"Platonus" -бұл модульдік, модульдік-кредиттік және қашықтықтан оқыту жүйесін автоматтандыруға арналған ақпараттық жүйе. Бұл жүйе колледжде 2019 жылы іске қосылды. Бағдарламада колледждің барлық жүйелері мен міндеттері анықталатын орталықтандырылған ақпараттық жүйе бар. Әрбір студент пен қызметкер үшін колледж қызметкерлерінің негізгі міндеттерін автоматтандыруға ықпал ететін, студенттерге қажетті ақпаратты табуға, қашықтықтан оқитын студенттерге арналған оқу және бақылау бағдарламаларына тез енуге, интернет желісі арқылы немесе колледж желісі арқылы оқытушылармен өзара әрекеттесуге көмектесетін жеке бет (жеке веб – бет) жасалды.