Сарыжаз кәсіптік-техникалық колледжінде білім алушылар мен қызметкерлердің қауіпсіздігін қамтамасыз ету

Сарыжаз кәсіптік-техникалық колледжінде білім алушылар мен қызметкерлердің қауіпсіздігін қамтамасыз ету мақсатында төтенше жағдайларға байланысты оқу-жаттығу өткізілді. Оқу-жаттығудың негізгі мақсаты – төтенше жағдай кезінде дұрыс әрекет ету дағдыларын қалыптастыру, қауіпсіздік ережелерін түсіндіру және эвакуациялау тәртібін меңгерту болды.
Іс-шара барысында қатысушыларға төтенше жағдай кезіндегі қауіпсіздік талаптары түсіндіріліп, эвакуация жолдары көрсетілді. Белгі берілгеннен кейін білім алушылар мен қызметкерлер арнайы жоспар бойынша ғимараттан қауіпсіз жерге ұйымдасқан түрде шығарылды. Жауапты тұлғалар әр топтың толық эвакуацияланғанын тексеріп, қауіпсіздік шараларының сақталуын қадағалады.