"Web сайт" тақырыбы бойынша ашық сабақ өткізді

Сарыжаз кәсіптік-техникалық колледжінде ЖББП апталығында информатика пәнінің мұғалімі Ұлықпан Әлішер Талғатұлы "Web сайт" тақырыбы бойынша ашық сабақ өткізді.
Сабақ барысында білім алушыларға жаңа тақырып түсіндіріліп, компьютермен жұмыс істеу жолдары көрсетілді. Оқытушы теориялық мәліметтерді практикамен ұштастыра отырып, түрлі тапсырмалар ұсынды. Білім алушылар компьютерде тапсырмаларды орындап, бағдарламалармен жұмыс істеу дағдыларын көрсетті.

Сонымен қатар сабақта интерактивті әдістер қолданылып, білім алушылардың қызығушылығын арттыруға ерекше көңіл бөлінді. Олар берілген тапсырмаларды белсенді орындап, өз білімдерін көрсете білді. Сабақ барысында қауіпсіздік ережелері де ескертіліп, компьютермен дұрыс жұмыс істеу тәртібі түсіндірілді.